ANNIDA ISLAMIC QUIZ

Muslim Aurat Ka Saari Or Blouse Pehanna Is Tarah Ke Satar Na Dikhe Kaisa He.

Al-Jawab:

Saadi Pehanna Ab Gair Muslimo Ka Khas Libas Baki Nahi Raha, Balke Hindustan Ke Mukhtalif Ilaqo Me Aam Tor Par Muslim Aurate Bhi Pehanti He,

Lihaza Muslim Aurate Saadi Pehan Sakti He, Lekin Blouse Is Tarah Ka Istemal Karna, Ke Jis Se Pet Or Pith Khuli Rahe, Bohot Hi Bade Gunah Ki Bat He, Gairat Ke Khilaf He.

Waeed: 

Allah Ke Habib ﷺ Ne Irshad Farmaya: Meri Ummat Me 2 Giroh (2 Qisam Ke Log) Jahannami Hoge.

Aap ﷺ Ne Dono Me Se Ek Un Aurato Ko Jahannami Bataya He, Jo Libaas Pehni Hui Bhi Ho Or Nangi Bhi Ho.

Mulla Ali Qari Rh. Ne Is Hadis Ki Wazahat Karte Huwe 1 Bat Ye Bhi Batayi He Ke, Badan Ka Kuch Hissa Chhupayegi Or Kuchh Hissa Khula Rakhegi, Take Apna Husn O Jamaal Logo Ko Dikha Sake,

Aisi Aurato Ke Bare Me Huzur ﷺ Ne Farmaya Ke Wo Jannat Me Dakhil Nahi Ho Sakegi, Or Uski Khushbu Bhi Nahi Milegi.

Khulasa:

Is Liye Musalman Behno Ko Is Bade Gunah Se Apne Aapko Bachana Chahye, Or Shariyat Ki Had Me Rehkar Zeb O Zeenat Ikhtiyar Karna Chahye.

Mustafad:

Kitab-Ul-Fatawa: 6/91

 

✍(Mufti) Bande ilahi Qureshi Gandevi

[01/02/2018]

 

HamariHamari Website Par Aane Wale New Masail Ki Jankari Ke Liye Subscribe Zarur Kare. Jazakallah

LEAVE A REPLY

Please enter your comment!
Please enter your name here