[24] SOHBAT ZYADAH KARNE KI MUMANAT (MANAY)

Faqih Abullais (Buzrug Ka Name He) Ne Apni Kitab “ Bustan “ Me Likha He Ke Hazrat Ali Rd. Ne Farmaya Ke Jo Shakhs Is Bat Ka Khwahish Mand Ho Ke Uski Sihhat Or Tandurasti Zyadah Time Tak Baki Rahe, To Usko Chahye Ke Subah Or Rat Me Khana Khaya Kare. Qarze Se Bacha Rahe. Nange Panw Na Fira Kare. Or Aurat Se Sohbat Kam Kiya Kare. (Tibbe Nabwi ﷺ)

Vaise Bhi Shariyate Mutahharah Ne Har Amal Me Darmiyani Chal Ko Pasand Kiya He. Ab Suwal Ye Paida Hota He Ke Sohbat Ke Mamle Me Darmiyani Chal Kise Samja Jaye ? To Iske Bare Me Doctors Ki Ray He Ke Har Wo Jimaa Ki Khwahish Jo Side Ki Chizo Se Paida Na Ho, Jaise Haseen V Jameel Aurato Ko Dekhne, Fahash Or Gandi Bato, Nangi Aurato Ki Tasveer Dekhne Se Na Ho, Balke Haqiqat Me Jimaa Ka Taqaza (Khwahish) Ho, Or Biwi Bhi Razi Ho, To Esa Jimaa Sukoon Ka Sabab Hota He. Is Se Hatkar Jimaa Kiya Jaye To Kamzori Paida Hoti He. Ek Sohbat Ke Bad Dusri Sohbat Me Kitna Fasla Ho ? Is Bare Me Har Aadmi Ko Apni Quwwat E Baah (Sex Ki Taqat) Ka Lihaz Karte Huwe Hafta (Week), 2 Hafta ,  3 Hafta , Ya 1 Mahine Me Ek Bar Karna Munasib He. Ye Fasla Mojudah Dour Ke Lihaz Se He, Jabke Aaj Achhchhi Or Taqatwar Giza Har Ek Ko Nahi Milti He.

Hazrat Movlana Saeeduddeen Usmani Rh. Ne Rifahul Muslimeen (Kitab Ka Name) Me Likha He Ke 4 Din Me Ek Martaba Sohbat Kiya Kare

, Or Agar Aurat Ki Hi Khwahish Ho To Koi Harj Nahi. Is Liye Ke Biwi Ka Khayal Sharmgah Ki Hifazat Ke Waste Wajib He, Ke Kahi Esa Na Ho Ke Uski Tabiyat Kisi Or Ki Tarag Mayil Hojaye, Or Fir Bure Khayalo Ka Shikar Hona Pade, (Ye Sirf Halat Ke Lihaz Se Ek Mashwerah He Take Kisi Or Khandani Nuqsan Na Uthana Pade) Warna Sohbat Zyadah Karne Se Bachna Sihhat Ke Liye Faida Mand He.

Sohbat Zyadah Karne Ka Ek Nuqsan Ye Bhi Hota He Ke Mani Jaldi Nikalne Ki Bimari (Surate Inzaal) Paida Hojati He, Tamam Rat Miya Biwi Ka Ek Hi Bistar Par Sona Chahe Shariyat Ke Lihaz Se  Jaiz He, Magar Hamesha Ek Sath Sone Me Wahi Nuqsan He Jo Zyada Sohbat Karne Ka He, Is Se Bhi Sex Me Kamzori Paida Hoti He.

previewe-newimages-1